O‘zbekiston Respublikasi harbiy aviatsiya institutida tahsil olayotgan kursantlar hamda tinglovchilar uchun ularning bo‘sh vaqtlarini mazmunli o‘tkazish, sahna asarlari orqali tarbiya metodik asosida yoshlar uchun giyohvand moddalarni istemol qilishning halokatli oqibatlariga bag‘ishlangan “Sarob. So‘ngsiz zulmat” spektakli namoyish etildi. Giyohvandlik illatining zarari haqida hikoya qiluvchi ushbu postanovkadan asosiy maqsad yoshlar uchun giyohvand moddalarni istemol qilishning halokatli oqibatlarga olib kelishi, osib kelayotgan yosh avlodning intellektual salohiyatini, manaviy va marifiy darajasini yuksaltirish, kelajak bunyodkorlarining dunyoqarashini shakllantirish, hamjihatlikni oshirish, dostona munosabatlarni o‘rnatish, Vatanga yanada sadoqatli, mehr-muhabbatli qilib tarbiyalash, tinchlikning qadriga etish kabi insoniy fazilatlarni takomillashtirishdir.