O’zbekiston Respublikasi Qurolli Kuchlari tashkil etilganligining 33 yilligi hamda Vatan himoyachilari kuni munosabati bilan Harbiy aviatsiya institutida ham katta tantana o’tkazildi. Dastlab, xizmat burchini bajarish chog’ida vafot etgan harbiy xizmatchilar xotirasini abadiylashtirish maqsadida Institut hududida barpo etilgan “Mangu jasorat” monumenti poyiga gulchambar qo’yish bilan boshlangan tadbir bir guruh harbiy xizmatchilar, faxriylar va boshqa soha fidoyilarini taqdirlash bilan davom etdi. Bayramona ruh harbiy blok tomonidan tayyorlangan sahna chiqishlari hamda san’atkorlarning xonishlariga ulanib ketdi.Qolaversa, harbiy xizmatchilarning oila a’zolari ham ushbu shodiyonada turmush o’rtoqlari – oila qo’rg’onlarining oldida turib, ularning quvonchiga sherik bo’lishdi.